Sefer Selimi, i njohur për opinionin si një analist politik i cili është mjaft aktiv si në mediumet shqipe ashtu edhe ne ato maqedone, në faqen e tij të facebook-ut shperndau një ngjarje jo të mire e cila i ka ndodhur këto dite.

Ai sqaron se si atmosfera triumfale e VMRO-së në zgjedhjet lokale po i jep krahë simpatizuesve te kësaj partie, dhe pa marrë parasysh profesionit që kanë, ata me ton qortues po ju tregojnë të tjerëve se cka duhet të mendojn dhe si duhet të flasin.

“Vetë ideja se VMRO-DPMNE mund ta merr pushtetin, mbështetësve të saj duket se ju kanë dalë flatrat. Në një bisedë të rastësishme mbrëmë me një taksist që dukej se e mbështet këtë parti, me “argumente” gati imponuese debatonte për qëndrimet e mija publike dhe thuajse me ton qortues më tregonte se çka dhe si duhet të flas. Fatmirsisht, ishte pak vonë e rruga ishte e shkurtër dhe nuk arritëm deri aty që të më tregojë se si duhet të mendoj.” – ka shkruar Selimi në faqen e tij.