Lideri i opozitës shqiptare, Sali Berisha, ka njoftuar organizimin e një proteste për të denoncuar krimet zgjedhore, e cila do të mbahet më 16 maj 2025, në orën 17:00, në Bulevardin Zogu I në Tiranë. Protesta është thirrur për të sensibilizuar opinionin publik mbi manipulimet dhe parregullsitë që, sipas Berishës, kanë shoqëruar procesin zgjedhor.

Në një dalje për mediat, Berisha ka akuzuar Partinë Socialiste (PS) dhe qeverinë e kryeministrit Edi Rama për krime zgjedhore, duke theksuar manipuluar votat e diasporës. Ai e quajti këtë situatë "monstruoze", duke krahasuar shifrat e daljes së votave në disa zona të diasporës me ato të një regjimi autoritar si ai i Koresë së Veriut. Berisha përmendi si shembull kutinë e Beratit për diasporën, ku, sipas tij, PS ka arritur të fitojë 99.6% të votave, duke i cilësuar këto shifra si një manipulim të pastër.

Lideri i opozitës gjithashtu ka akuzuar kryetarin e PS, Taulant Balla, për dërgimin e një grupi patronazhistësh në Greqi, ku, sipas Berishës, është bërë një manipulim masiv i zarfeve të votave. "Pas dërgimit të Balla-s në Greqi, numri i zarfeve të dërguara është rritur në 6 mijë, të gjitha të manipuluara," ka thënë Berisha.

Berisha ka bërë thirrje për komisionerët që po numërojnë votat të jenë të vëmendshëm dhe të regjistrojnë çdo parregullsi, duke i inkurajuar ata të vazhdojnë punën e tyre me ndershmëri. Ai ka theksuar se protesta do të jetë paqësore dhe nuk do të ketë asnjë kërcënim për sigurinë e dinjitarëve të ftuar. Megjithatë, ai ka kërkuar që ata të mësojnë për "krimet monstruoze" të bërë nga qeveria, duke e cilësuar Edi Ramën një "narkodiktator" që ka shkelur çdo rregull dhe ligj për zgjedhjet.

Protesta e opozitës ka për qëllim të sensibilizojë opinionin publik dhe të denoncojë, sipas Berishës, një proces zgjedhor të manipulua dhe të mbushur me parregullsi./Almakpress