Kryetari i Aleancës për Shqiptarët, Arben Taravari, ka dalë me një status në rrjetet sociale pas konferencës për media të Arben Fetait dhe grupit të tij.

"Ankthi është ndjesia më e keqe që përjeton njeriu... sidomos kur është i përzier me ndjenja faji! Ne vazhdojmë më të qetë e të sigurtë se kurrë drejt Fitores së Tetorit e cila është afër... shumë Afër!" – ka shkruar Taravari në rrjetin social.

Postimi vjen në një periudhë kur partitë politike në vend janë në prag të riorganizimeve dhe mobilizimeve për zgjedhjet që pritet të mbahen në muajin tetor.

Taravari, një prej figurave kyçe të opozitës shqiptare, po synon të konsolidojë mbështetjen dhe besimin e votuesve për një ndryshim politik në vend.