Në Kuvend sot do të mbajnë mbledhje katër komisione – Komisioni për mbrojtje dhe siguri, Komisioni për çështje ekonomike, punë dhe politikë energjetike, Komisioni për financim dhe buxhet dhe Komisioni juridik-ligjvënës.

Para anëtarëve të Komisionit për mbrojtje dhe siguri janë propozim-ligji për shpalljen e Hapësirës rreth Kuvendit të Republikës së Maqedonisë së Veriut si zonë të sigurt, Propozim-ligji për ndryshime dhe plotësime të Ligjit për mbrojtje dhe shpëtim dhe Propozim-ligji për ndryshime dhe plotësime të Ligjit për menaxhim me krizat, të gjitha me procedurë të shkurtuar.

Në Komisionin për çështje ekonomike, punë dhe politikë energjetike janë Propozim-ligji për ndryshime të Ligjit për marrëdhënie pune, me procedurë të shkurtuar, Propozim-ligji për ndryshime të ligjit për mbrojtje nga ngacmimet në vend pune, në lexim të dytë, Propozim-ligji për ta vënë në përdorim pajisjen teknike për transport në lexim të parë, Propozim-ligji për ndryshime të ligjit për vullnetarë në lexim të parë dhe Propozim-ligji për ndryshime të Ligjit për shtesa rinore në lexim të parë.

Në Komisionin për financim dhe buxhet është Propozim-ligji për shndërrimin e kërkesës të Republikës së Maqedonisë së Veriut në bazë të obligacioneve të paguara ndaj kreditorëve të huaj në depozitë të përhershme në Shoqërinë aksionare për kryerjen e veprimtarisë energjetike, transmetimi i gazit natyror NOMAGAZ Shkup në pronësi shtetërore, me procedurë të shkurtuar.

Në rend dite të Komisionit juridik ligjvënës janë Propozim-ligji për ndryshime të Ligjit për mbrojtje nga ngacmimet në vend pune në lexim të dytë, Propozim ligji për ta vënë në përdorim pajisjen teknike për transport në lexim të parë, Propozim ligji për ndryshime të Ligjit për vullnetarizëm në lexim të parë, Propozim-ligji për ndryshime të Ligjit për shtesa rinore në lexim të parë. Propozim-ligji për shndërrimin e kërkesës të Republikës së Maqedonisë së Veriut në bazë të obligacioneve të paguara ndaj kreditorëve të huaj në investim të përhershëm në Shoqërinë Aksionare për kryerjen e veprimtarisë energjetike bartje të gazit natyror NOMAGAZ Shkup në pronësi shtetërore, me procedurë të shkurtuar, Propozim-ligji për shpalljen e zonës rreth Kuvendit të Republikës së Maqedonisë së Veriut për zonë të sigurt, me procedurë të shkurtuar, Propozim-ligji për ndryshimin e Ligjit për mbrojtje dhe shpëtim, me procedurë të shkurtuar, Propozim-ligji për ndryshime dhe plotësime të Ligjit për menaxhim me krizat, me procedurë të shkurtuar dhe Propozim-ligji për ndryshime të Ligjit për marrëdhënie pune me procedurë të shkurtuar.