Pensionistët, të cilët më shumë se një vit më parë protestuan për rritje lineare të pensioneve, sot nga Shën Nikolla kërkuan edhe këtë vit të fitojnë rritje lineare të pensioneve, në vend të rritjes me përqindje. Trajçe Stanojkov, anëtar i Bordit Iniciativ të Komunës së Shën Nikollës, thotë se masat aktuale për harmonizimin e pensioneve, të cilat bazohen në një rritje përqindjeje, janë të pamjaftueshme dhe nuk sigurojnë shpërndarje të drejtë të mjeteve.

“Kërkojmë që kryeministri Mickoski të na presë më 15 korrik dhe t’ia shpjegojmë propozim-ligjin që e kemi dorëzuar në Kuvend dhe njëkohësisht t’i tregojmë për parregullsitë në këto 30 vjet, gjatë periudhës së tranzicionit”, deklaroi Stanojkov.

Pensionistët theksojnë se po protestojnë edhe për të rinjtë. Sipas tyre, nëse rritja e pensioneve bëhet në bazë përqindjeje, edhe pensionistët e ardhshëm do të dëmtohen.

Tubimi dhe protesta u zhvilluan sot në Shën Nikollë, dhe në të morën pjesë pensionistë nga të gjitha qytetet. Përveç takimit me kryeministrin, pensionistët kërkuan edhe një herë publikisht dorëheqjen e kryetares së Lidhjes së pensionistëve, Stanka Trajkovska, të cilën e akuzojnë se nuk përfaqëson interesat e tyre.