Gjatë fundjavës së kaluar (13.12.2025), në kuadër të kontrolleve të rregullta të trafikut të kryera nga oficerët e policisë nga të gjitha departamentet e punëve të brendshme në rrugët e vendit, nga gjithsej 1711 urdhërpagesa të lëshuara, plot 828 shkelje kanë të bëjnë me shoferë që nuk kanë respektuar rregullat dhe rregulloret e trafikut në lidhje me shpejtësinë. Në të njëjtën kohë, u zbuluan 148 shoferë që morën pjesë në trafik pa leje drejtimi, 80 shoferë drejtonin nën ndikimin e alkoolit dhe u përjashtuan nga trafiku, ndërsa 70 shoferë motoçikletash u sanksionuan për mosmbajtje të kaskës mbrojtëse.

Përveç kësaj, në përputhje me dispozitat e Ligjit për Sigurinë në Trafikun Rrugor, u lëshuan 184 kundërvajtje për parkim të paautorizuar, pra të gabuar, ndërsa 71 persona të tjerë u sanksionuan për mosvendosje të rripit të sigurimit, 44 për përdorim të telefonit celular gjatë drejtimit të automjetit, katër shoferë kaluan me semafor të kuq dhe 11 këmbësorë morën gjoba për kundërvajtje.

Bazuar në Ligjin për Automjetet, këtë fundjavë u hoqën 37 automjete për shkak të paregjistrimit, dhe nëntë automjete për shkak të defekteve teknike.

Kontrollet e trafikut do të vazhdojnë edhe në ditët në vijim. U bëjmë thirrje të gjithë përdoruesve të rrugës që të respektojnë rregullat dhe rregulloret e trafikut dhe të kontribuojnë së bashku për rrugë më të sigurta.