Gazetari dhe publicisti i njohur Artur Zheji u përcoll sot për në banesën e fundit, dy ditë pas ndarjes nga jeta në moshën 64-vjeçare, si pasojë e një arresti kardiak.

Ceremonia mortore u mbajt në Universitetin e Arteve të Bukura, ku familjarë, miq, kolegë dhe personalitete të shumta i dhanë lamtumirën e fundit.

Me një karrierë të gjatë në media dhe publicistikë, Zheji spikati si gazetar, komentues politik dhe drejtues i emisionit “360 Gradë”. Ai do të kujtohet për mprehtësinë e fjalës, guximin intelektual dhe mendimin kritik./Almakpress