Ministri i Shëndetësisë Azir Aliu, ka thënë se "do të ketë përgjegjësi për vdekjen e 7-vjeçares në Tetovë nëse konstatohet se ka pasur lëshime në trajtimin e saj shëndetësor".

Ai tregoi se tashmë tre ekspertë po bëjnë analizat klinike të procedurave të ndërmarra, ndërsa pret që obduksioni të ndihmojë për të treguar më shumë se çfarë ka ndodhur.

“Si ministri e Shëndetësisë kemi krijuar grup me tre anëtar, ekspertë të cilët nuk e di sot apo nesër, do të shkojnë atje dhe do ta analizojnë pjesën klinike të kësaj procedura. Pas kësaj do të dalim me informata. Obduksioni – ende nuk kemi rezultate nga obduksioni. Edhe ai do të na ndihmojë të shohim pastaj se si është procedura deh çfarë ka ndodhur me shëndetin e kësaj vajze”, tha Azir Aiu, ministër i Shëndetësisë.

Ndryshe, pas rastit me 7-vjeçaren në Spitalin e Tetovës, Ministria e Shëndetësisë formoi komision hetimor, i cili do të hetojë detajet rreth këtij rasti tragjik.