Fluturimet në Aeroportin e Munihut rinisën më 3 tetor pasi autoritetet gjermane e mbyllën për disa orë për shkak të dronëve të paidentifikuar. Më shumë se 30 fluturime u anuluan dhe rreth 3 mijë pasagjerë mbetën të bllokuar. Policia gjermane ka nisur hetime për origjinën e dronëve, ndërsa incidenti vjen pas rasteve të ngjashme në disa shtete evropiane, që kanë rritur shqetësimet për zgjerimin e kërcënimeve të lidhura me luftën në Ukrainë.