Kandidati i VLEN për kryetar të komunës së Zhelinës, Blerim Sejdiu ka vizituar fshatin Pallaticë, ku është takuar me banorët e këtij fshati. Sejdiu premton vazhdimin e disa projekteve në fshat.

“Pallatica, NJË ZË për zhvillimin në vazhdim. Salla e sportit, rrugë tjera të asfaltuara, ujësjellësi dhe shumë projekte në vazhdim për Pallaticën”.

Kandidati i Aleancës Kombëtare për Integrim (AKI) për Komunën e Zhelinës, Emir Sulejmani, bashkë me deputeten Ilire Dauti ka zhvilluar një takim me banorët e fshatit Strimnicë. Sulejmani thotë se Strimnica është fshati që nuk pranon menaxhim të keq.

“Do të jetë vendbanimi që do ta çojë këtë pushtet në histori, sepse Strimnica di të vlerësojë, sepse Strimnicës ky pushtet i ka hak në të gjitha anët, ky pushtet e ka dëmtuar fshatin Strimnicë duke manipuluar dhe me projektet që i kanë bërë qytetarët dhe kompanitë e fshatit Strimnic”, tha mes tjerash.