Kuvendi i Kosovës është konstituuar sot, ndërsa deputetët kanë zgjedhur Nenad Rashiqin si nënkryetar të Kuvendit nga komuniteti serb. Ky vendim erdhi pasi nëntë deputetët e Listës Serbe nuk siguruan votat e nevojshme për kandidatin e tyre.

Lista Serbe e kundërshtoi ashpër këtë vendim, duke e cilësuar si shkelje të Kushtetutës dhe të të drejtave të përfaqësimit politik. Megjithatë, kryetari i Kuvendit, Dimal Basha, shpalli Kuvendin e Kosovës të konstituuar, duke theksuar se procedurat janë zhvilluar në përputhje me rregulloren dhe ligjin.