SPB Tetovë njofton se dje (12.10.2025) në orën 15:10 në autostradën Shkup-Tetovë, pranë pikës së pagesës rrugore Zhelinë, punonjësit policorë të Stacionit Policor për Sigurinë e Komunikacionit Rrugor Tetovë kanë privuar nga liria personin A.H. (26) nga f. Patishka Rekë e Shkupit.

Gjatë kontrollit të trafikut me radar, punonjësit policorë konstatuan se ai kishte drejtuar një automjet "Volkswagen Passat" me shpejtësi 181 kilometra në orë në një vend ku shpejtësia e lejuar është 100 kilometra në orë.

"Më vonë, pasi ishte liruar, ai u kap sërish duke drejtuar automjetin me shpejtësi shumë më të madhe se e lejuara. Konkretisht, në bulevardin "Iliria" në Tetovë, ai u kap duke drejtuar automjetin me shpejtësi 105 kilometra në orë në një vend ku shpejtësia është e kufizuar në 50 kilometra në orë", thonë nga SPB Tetovë.