Kryetari i Aleancës për Shqiptarët, Ziadin Sela, bashkë me familjen e tij, ushtroi të drejtën e votës në ditën e zgjedhjeve lokale. Pas votimit, ai u shpreh se kjo është dita kur sovrani flet dhe demokracia merr kuptim.
“Sot është dita kur flet sovrani dhe demokracia merr kuptim. Bashkë me familjen shfrytëzova të drejtën time qytetare me shpresë që kjo ditë të sjell një të ardhme të ndritshme për komunat tona, për të gjithë ne. Ftoj qytetarët që të shfrytëzojnë të drejtën e tyre për të vendosur, ashtu siç e patëm fushatën, si një ditë feste ta kalojmë dhe këtë ditë,” deklaroi Sela./Almakpress