Nga selia e BDI-së, pak para mbylljes së procesit të votimit për zgjedhjet lokale në Maqedoninë e Veriut, Arber Ademi ka dhënë një deklaratë për mediat, ku është shprehur optimist për ecurinë e ditës zgjedhore.

“Jemi jashtëzakonisht të kënaqur me pjesëmarrjen e votuesve. Në shumë komuna shqiptare po ndodh një referendum i vërtetë. Populli po e merr fatin në duart e veta, kjo dalje masive është dëshmi e vetëdijes sonë kombëtare dhe e besimit në forcën e votës,” deklaroi Ademi.

Ai theksoi se procesi po zhvillohet në mënyrë të qetë dhe demokratike, ndërsa shprehu besimin se kjo pjesëmarrje do të përkthehet në fitore për forcat që përfaqësojnë interesin shqiptar.