Vazhdon fushata zgjedhore në Strugë për raundin e dytë të zgjedhjeve për kryetar komune. Kandidati i Aleancës për Kombin (AK) Arsim Dalipi, i shoqëruar nga kryetari i Aleancës për Shqiptarët, Ziadin Sela, zhvilluan një tubim elektoral në fshatin Dollogozhdë.

Gjatë fjalës së tyre para banorëve, ata theksuan se “ky vend foli me zemër”, duke vlerësuar pjesëmarrjen e madhe të qytetarëve dhe mbështetjen e tyre për ndryshim.

“Dollogozhda tregoi se e njeh drejtimin e duhur. U dëshmua se me 2 nëntor do të fitojë e vërteta, do të fitojë puna, do të fitojë dashuria për Strugën”, u shprehën ndër të tjera folësit në këtë tubim.