Zëvendëskryeministrja dhe ministrja e Infrastrukturës dhe Energjisë, Belinda Balluku, është paraqitur sot në Prokurorinë e Posaçme (SPAK). Burime nga mediat raportojnë se ajo është thirrur për t’u njohur me akuzat në kuadër të një hetimi që lidhet me tendera publikë dhe procedura të zhvilluara nga Ministria e Infrastrukturës.
Balluku, e shoqëruar nga avokati i saj, nuk ka dhënë deklarata për media pas daljes nga SPAK. Hetimet lidhen edhe me projektin e tunelit të Llogarasë, ndërsa zyrtarisht prokuroria nuk ka bërë ende publike ndonjë masë apo akuzë konkrete ndaj saj.