Prindërit e fëmijëve që humbën jetën në zjarrin e diskotekës “Puls” në Koçan kanë paralajmëruar marsh proteste për të shtunën në Shkup, ndërsa po kërkojnë mbështetje nga qytetarët që t’u bashkohen atyre.

“Marshi i engjëjve” do të mbahet në Shkup, dhe është planifikuar të fillojë në orën 12:05 në Sheshin Maqedonia, nga ku do të vazhdojë para Kuvendit dhe Gjykatës Themelore Penale në Shkup. Iniciativa “Kush është i radhës?” ka postuar një video në Instagram në të cilën prindërit e fëmijëve që vdiqën, të emocionuar, u bëjnë thirrje qytetarëve t’i bashkohen marshit dhe t’i mbështesin ata në kërkim të drejtësisë për vdekjet e fëmijëve të tyre”, thuhet në njoftim.