Nga Vendi
18 July 2020
Zbulohen 43 emigrantë në rrugën Kumanovë – Shkup

Siç njoftojnë nga MPB, dje në rrugën Kumanovë – Shkup, në pikëpagesën në Milladinivci, një automjet ‘Iveco’ me tabela të Shkupit, e drejtuar nga një shofer i panjohur, ka goditur shtyllën prej betoni të një nga kabinat.

 

Pas aksidentit, shoferi ka ikur nga vendngjarja, dhe gjatë kontrollit të automjetit, janë zbuluar 43 emigrantë.

Emigrantët kanë qenë 13 nga Bangladeshi, 11 nga Pakistani, 10 nga Siria, 5 nga Afganistani dhe 4 nga Turqia.

“Në aksident, një person ka marrë lëndime të rënda trupore. Për ngjarjen është njoftuar prokurori publik, ndërsa emigrantët janë bartur në Qendrën pranuese në Gjevgjeli. Po ndërmerren masat për zbardhjen e rastit”, thuhet në njoftimin e MPB-së.



Të ndryshme
Më shumë
“E dua këtë burrë”, flet gruaja që u martua me personin që i vrau vëllanë25 August 2021
Përfaqësim i ulët i të rinjve në zgjedhjet në Maqedoninë e Veriut11 October 2021
110 mijë euro i kanë kushtuar Ramiz Merkos ndriçimi i Drinit të Zi në Strugë22 June 2021