Departamenti për shkatërrimin e Krimit të Organizuar dhe të Krimit të Rëndë ngriti dje një kallëzim penal në Prokurorinë Publike të Shkupit kundër ish-ministrit të Brendshëm Oliver Spasovski për “keqpërdorim të pozitës dhe autoritetit zyrtar”.
“O.S. gjatë kohës që ushtronte detyrën e ministrit të Brendshëm, përkatësisht gjatë vitit 2021, duke përdorur pozitën dhe autoritetin e tij zyrtar, i ka mundësuar një personi juridik – inspektim teknik në komunën e Sarajit të përfitojë dobi të paligjshme pasurore në shumë prej 5.565.927 denarësh”, njoftojnë nga Ministria për Punë të Brendshme.