Në edicionin e pestë të Festivalit Ndërkombëtar të Posterit, që u zhvillua në Tetovë, artisti Valmir Aziri u nderua me çmimin special të këtij festivali prestigjioz. Çmimi iu dorëzua nga Ambasadori i Republikës së Kosovës, Shkëlqesia e tij, z. Florian Qehaja, i cili e përcolli vlerësimin në emër të drejtorisë së festivalit. Mes një audience të përbërë nga studentë, artistë dhe kolegë nga Shqipëria, Kosova dhe rajoni, drejtori i festivalit, z. Rrezeart Galica, mbylli me sukses këtë edicion, duke e konsoliduar Tetovën si një qendër të rëndësishme të artit pamor në nivel ndërkombëtar.

Falë angazhimit të Drejtorit të Festivalit dhe mbështetjes së Drejtoreshës së Galerisë së Tetovës, znj. Arbenita Meta, qyteti këtë vit u vendos fuqishëm në hartën ndërkombëtare të krijimtarisë vizuale, duke dëshmuar potencialin e tij të vazhdueshëm në përkrahjen e artit dhe kulturës./AlmakPress