Seanca kryesore për rastin e zjarrit në diskotekën “Puls” në Koçan, e planifikuar për nesër, është shtyrë. Shkak për shtyrjen është kërkesa e mbrojtjes së njërit prej të akuzuarve, pasi avokatja Suzana Joshevska-Anastasovska është zgjedhur anëtare e Këshillit Gjyqësor dhe nevojitet angazhimi i një mbrojtësi të ri.

Sipas njoftimit të gjykatës, seanca e radhës do të mbahet më 26 janar. Procesi gjyqësor ndodhet në fazën e procedurës provuese, ndërsa në seancën e shtyrë ishte paraparë dëgjimi i përfaqësuesve ligjorë të të dëmtuarve.