Ministria e Punëve të Brendshme ka nisur sot aktivitetet për testimin, kalibrimin dhe verifikimin e kamerave të trafikut në qytetet Kumanovë dhe Tetovë. Procesi po zhvillohet nga ora 08:00 deri në 20:00 dhe në secilin lokacion zgjat rreth 15–30 minuta, gjatë së cilës komunikacioni pezullohet përkohësisht. MPB u bën thirrje qytetarëve të respektojnë kufizimet dhe të tregojnë durim për mbarëvajtjen e sigurt të aktiviteteve.

Ndërkohë, pas miratimit në Kuvend, nga 1 shkurti nis zbatimi i sistemit “Safe City” në Shkup, Tetovë dhe Kumanovë. Kamerat do të regjistrojnë automatikisht shkeljet e trafikut, ndërsa në fazën fillestare pajisjet do të vendosen edhe përgjatë korridoreve 8 dhe 10.