Gjykata Themelore në Prizren, Departamenti i Krimeve të Rënda, ka mbajtur sot katër seanca dëgjimore dhe ka vendosur masën e paraburgimit për 23 persona, nën dyshimet për vepra penale që lidhen me procesin zgjedhor. Sipas vendimit të gjyqtarëve të procedurës paraprake, 21 të pandehur janë dërguar në paraburgim njëmujor për dyshime për falsifikim të rezultateve të votimit. Ndërkohë, ndaj dy të pandehurve të tjerë është caktuar paraburgimi për falsifikim votash, marrje dhe dhënie ryshfeti si dhe kanosje. Gjykata thekson se vërtetësia e këtyre dyshimeve do të vlerësohet në fazat e mëtejme të procedurës penale.