Në Shtip do të ndërtohet spital i montuar me kapacitet prej 50 shtretërve, përcjell Telegrafi Maqedoni.

Qyteti i Shtipit po përgatitet që të ndërtojë spital me kapacitet prej 50 shtretërve, për valën e re eventuale me coronavirus në vjeshtë, tha drejtori i spitalit të Shtipit, Alen Georgiev.

“Objektet e montuara do të jenë me kapacitet prej 50 shtretër. Ajo është hapësirë e zbrazët tek objekti i Njësisë së Fëmijëve, e cila do të izolohet nga një mini spital i montuar. Duhet të ndërmarrim kështu masa që tani, për shkak të paralajmërimeve se në shtator do të ketë valë të re me COVID-19”, tha Georgiev.

Për momentin në njësinë Infektive janë shtruar 55 pacientë nga më shumë qytete nga Maqedonia lindore.