Një debat i tensionuar ka eskaluar në përplasje fizike mbrëmjen e sotme në emisionin “Opinion”. Teksa në studio diskutohej për dënimin me burg të kërkuar nga Gjykata Speciale në Hagë ndaj ish-krerëve të UÇK-së, Hashim Thaçi, Kadri Veselit, Jakup Krasniqit dhe Rexhep Selimit, situata doli jashtë kontrollit.

Mes të ftuarve, Albatros Rexhaj dhe Berat Buzhala patën përplasje të forta verbale lidhur me rolin e Qeverisë së Kosovës dhe qëndrimet e kryeministrit Albin Kurti për themelimin dhe mundësinë e shfuqizimit të Gjykatës Speciale. Në kulmin e debatit, Berat Buzhala iu afrua Albatros Rexhajt duke tentuar ta godasë fizikisht në studio.

Ndërhyrja e menjëhershme e moderatorit Blendi Fevziu dhe stafit të emisionit shmangu përshkallëzimin e mëtejshëm të situatës, ndërsa transmetimi vijoi mes thirrjeve për qetësi.