Ish-deputetja e Partia e Lirisë, Monika Kryemadhi, gjatë seancës paraprake në Gjykata e Posaçme Kundër Korrupsionit dhe Krimit të Organizuar këtë të enjte, 26 shkurt, kërkoi fillimisht kthimin e çështjes për hetime të mëtejshme, duke argumentuar se hetimet fillestare kanë pasur mangësi.

Megjithatë, më pas Kryemadhi kërkoi pushimin e çështjes. Kujtojmë se më 29 gusht, Prokuroria e Posaçme ka çuar në gjyq ish-presidentin Ilir Meta dhe Monika Kryemadhin, ndaj të cilëve rëndojnë tre akuza: korrupsioni, pastrimi i parave dhe mosdeklarimi i pasurisë.

Në gjyq për dyshimet e ndihmës në pastrimin e parave është përfshirë edhe Fatime Kryemadhi, nëna e Monikës, dhe Ema Çoku. SPAK ka deklaruar se hetimet kanë zbuluar disa skema korrupsioni dhe përdorimi të pushtetit politik, duke vënë në qendër çështje të ndërlikuara që lidhen me funksionarë të lartë të shtetit.