Banori i Big Brother VIP Albania 5, Mali, ka hapur sonte zemrën dhe ka rrëfyer linjën e jetës së tij, duke treguar për marrëdhëniet e komplikuara me prindërit. Ai përshkroi babanë si një njeri që “nuk na ka vlerësuar as ne, as nënën”, ndërsa nënën, Violeta Kukaj, e cilësoi si heroina e tij.

“Marrëdhënien me nënën e kam shumë të veçantë. Ka qenë shumë aktive dhe e ka arritur qëllimin. Sa herë ka pasur dasma dhe koncerte më ka marrë me vete. Babai nuk ka qenë njeri i mirë. Gjithçka që kishim punuar nuk ishte më për shkak të babit. Mendoi vetëm për vete dhe shiti gjithçka. Nuk na ka vlerësuar as ne, as nënën. Ka falur shumë nëna dhe gjëja më e logjikshme ishte ndarja,” rrëfeu Mali.

Pas këtij rrëfimi prekës, Mali u surprizua me një takim emocionues me nënën e tij, artisten Violeta Kukaj, duke e bërë momentin të paharrueshëm për të dhe banorët e shtëpisë.