Spitali “Gjinekologjik Çair”, në bashkëpunim me Ndërmarrjen Publike “Parqe dhe Gjelbërime”, ka realizuar një aksion për rregullimin dhe mirëmbajtjen e hapësirave të jashtme të institucionit.

Gjatë këtij aktiviteti janë kryer punime për prerjen e barit, krasitjen e drunjve dhe degëve, si dhe mbjelljen e drunjve të rinj dhe luleve, me synim përmirësimin e ambientit dhe krijimin e kushteve më të mira për pacientët dhe stafin.

Në aksion morën pjesë drejtori i Ndërmarrjes Publike “Parqe dhe Gjelbërime”, Muamer Seferi, dhe drejtoresha e spitalit, dr. Meral Uzeiri Ferati, të cilët theksuan rëndësinë e bashkëpunimit ndërinstitucional për përmirësimin e shërbimeve dhe kushteve për qytetarët.