Dhjetëra mijëra qytetarë janë mbledhur në Londër në një protestë të madhe kundër politikave të së djathtës ekstreme, e cilësuar si një nga demonstratat më të mëdha multikulturore në Mbretëria e Bashkuar.

Sipas organizatorëve, pjesëmarrja ka arritur deri në gjysmë milioni persona nga e gjithë vendi, ndërsa policia britanike e ka vlerësuar numrin rreth 50 mijë, duke theksuar vështirësinë për një shifër të saktë për shkak të përmasave të tubimit.

Protesta erdhi si kundërpërgjigje ndaj një tubimi të mëhershëm të figurave të së djathtës, mes tyre Tommy Robinson dhe Nigel Farage, ndërsa organizatorët synuan të dërgojnë një mesazh kundër urrejtjes dhe përçarjes.

Tubimi u mbështet edhe nga personalitete publike, ku deputetja Diane Abbott dhe përfaqësuesi i Partisë së Gjelbër Zack Polanski bënë thirrje për angazhim qytetar dhe solidaritet në komunitet.

Atmosfera u shoqërua me performanca artistike dhe fjalime publike, duke e kthyer protestën në një manifestim të gjerë qytetar për bashkëjetesë dhe diversitet.