Ministria e Punëve të Brendshme ka konfirmuar se projekti “Safe City” do të zgjerohet në gjithë territorin e Maqedonia e Veriut gjatë vitit 2026, por pa dhënë detaje konkrete për qytetet e radhës ku do të implementohet sistemi.

Sipas MPB-së, vendosja e kamerave do të bazohet në kritere sigurie, me fokus në rrugët kryesore, kryqëzimet problematike dhe hyrje-daljet e qyteteve. “Prioriteti përcaktohet sipas kritereve të sakta të sigurisë”, thuhet nga institucioni.

Megjithatë, sipas raportimeve jozyrtare, sistemi pritet të zgjerohet në Veles, Ohër dhe Strugë para sezonit veror, edhe pse nuk ka ende datë të saktë për nisjen.

Aktualisht, “Safe City” funksionon në Shkup, Tetovë dhe Kumanovë, si dhe në korridoret kryesore rrugore. Sistemi identifikon automatikisht shkelje si tejkalimi i shpejtësisë, kalimi në semafor të kuq, parkimi i parregullt dhe përdorimi i automjeteve të paregjistruara.

Gjobat variojnë nga 15 deri në 500 euro dhe njoftimet dërgohen përmes SMS-ve dhe emailit. Autoritetet paralajmërojnë qytetarët të kenë kujdes nga mesazhet e rreme që mund të qarkullojnë në emër të sistemit.

Burimi: Portalb.mk