Disa pacientë të prekur nga Sëmundja e Gaucher-it po përballen me mungesë të plotë të terapisë, duke ngritur shqetësime serioze për shëndetin e tyre. Reagimi vjen nga Vesna Aleksovska, kryetare e Shoqata për Sëmundje të Rralla “Jetë me Sfida”, e cila paralajmëron për pasoja të rënda nëse situata vazhdon.

Ajo ka protestuar para Ministria e Shëndetësisë me mesazhin “Mungojnë ilaçet”, duke theksuar se pacientët kanë marrë doza të reduktuara dhe aktualisht disa prej tyre kanë mbetur pa trajtim.

“Çdo vonesë për këta pacientë do të thotë përkeqësim i gjendjes, pra jetë ose vdekje”, deklaroi Aleksovska, duke kërkuar zgjidhje të qëndrueshme dhe jo vetëm premtime afatshkurtra.

Reagimi vjen pas deklaratave të Azir Aliu, i cili një muaj më parë kishte premtuar furnizim të rregullt me terapi. Megjithatë, organizatat e pacientëve mbeten skeptike dhe kërkojnë garanci konkrete për trajtim të vazhdueshëm dhe përfshirjen e rasteve të reja.

Burimi: TV21