Pak orë para përballjes vendimtare mes Kosovës dhe Turqisë për kualifikueset e Botërorit, Ambasada e SHBA-së në Prishtinë ka dhënë një mesazh mbështetës për kombëtaren.

Në një postim në rrjetet sociale, ambasada publikoi fotografi të stafit të veshur me fanellat e Kosovës, duke shprehur mbështetje të hapur për ekipin. Në mesazhin e saj thuhet se “nga të gjithë ne në Ambasadën e SHBA-së, ju mbështesim, luani fort dhe bëjeni Kosovën krenare”.

Kjo ndeshje shihet si një moment historik për Kosovën, e cila synon kualifikimin në Botëror, pas fitores së rëndësishme ndaj Sllovakisë disa ditë më parë.

Takimi do të zhvillohet në orën 20:45 dhe pritet të ndiqet me interes të madh nga tifozët, ndërsa transmetimi do të bëhet në Top Channel dhe DigitAlb.