Akti ceremonial i dorëzim-pranimit të detyrës do të mbahet sot në orën 16:00 në Kabinetin e Vjosa Osmani, njoftoi zyra e Presidencës.

Në këtë kontekst rikujtohet edhe procesi i zgjedhjes së saj në krye të shtetit. Kuvendi i Republikës së Kosovës e zgjodhi Osmanin presidente më 4 prill 2021, në një seancë të jashtëzakonshme, me 71 vota “për” në raundin e tretë të votimit.

Procesi i votimit kaloi në tri raunde, pasi në dy raundet e para asnjëri nga kandidatët nuk arriti të sigurojë shumicën e nevojshme. Në votimin përfundimtar morën pjesë 82 deputetë, ku përveç votave në favor të Osmanit, 11 vota rezultuan të pavlefshme, ndërsa kandidati tjetër nuk mori mbështetje.

Pas shpalljes së rezultatit, Osmani bëri betimin para deputetëve dhe u intonua himni shtetëror i Kosovës.