Sot ushtryesja e detyrës së presidentes së Kosovës dhe kryetarja e Parlamentit të Kosovës, Albulena Haxhiu, priti në takim deputetin shqiptar nga Lugina, Shaip Kamberi, dhe kryetaren e Preshevës, Ardita Sinani, së bashku me një delegacion nga Lugina.

Në fokus të bisedimeve ishte mbështetja e institucioneve për Luginën në fushat e arsimit, kulturës dhe institucioneve, duke përfshirë edhe përkrahjen për studentët dhe specializantët. U diskutua gjithashtu thellimi i bashkëpunimit dhe roli i Kuvendit në adresimin e sfidave me të cilat përballen shqiptarët, përfshirë pasivizimin e adresave, mosnjohjen e diplomave të fituara në Kosovë, gjuhën e urrejtjes dhe pengimin e fondeve.

“U dakorduam që të vazhdojmë angazhimin institucional për të adresuar këto sfida dhe për të avancuar të drejtat e shqiptarëve në Luginë”, theksoi Haxhiu.