Një moment i veçantë u shënua sot në ndeshjen mes Elbasanit dhe Partizanit, ku lojtarët e të dy skuadrave shprehën mbështetjen e tyre për kauzën e autizmit.

Në kuadër të muajit prill, i njohur si muaji i ndërgjegjësimit për çrregullimet e spektrit të autizmit, ky gjest simbolik synoi të rrisë vëmendjen publike ndaj një fenomeni që po prek gjithnjë e më shumë fëmijë në mbarë botën.

Veprime të tilla në sport dëshmojnë rolin e rëndësishëm që ka futbolli përtej fushës së lojës, duke kontribuar në sensibilizimin dhe përkrahjen e çështjeve sociale me rëndësi.