Presidentja e Komisioni Evropian, Ursula von der Leyen, ka bërë thirrje për përshpejtimin e procesit të zgjerimit të Bashkimi Evropian, duke theksuar nevojën për të kufizuar ndikimin e aktorëve të jashtëm në vendet kandidate.

Në një deklaratë të dhënë me rastin e 80-vjetorit të Die Zeit, ajo u shpreh se Evropa duhet të unifikohet për të shmangur ndikimin nga Rusia, Kina dhe Turqia, duke theksuar se ne duhet të mendojmë në mënyrë më të gjerë dhe gjeopolitike për këtë proces.

Von der Leyen kërkoi gjithashtu reformim të mekanizmave të vendimmarrjes brenda BE-së, duke propozuar heqjen e parimit të unanimitetit dhe kalimin në votim me shumicë të cilësuar. Ajo vuri në dukje se ky mekanizëm është keqpërdorur në të kaluarën, veçanërisht në rastin e integrimit evropian të Ukrainës.

Ajo theksoi se Bashkimi Evropian duhet të rrisë pavarësinë e tij strategjike, duke deklaruar se modeli aktual ekonomik, i bazuar në energjinë e lirë nga Rusia, punën e lirë nga Kina dhe mbrojtjen nga SHBA-të, tashmë ka marrë fund dhe kërkon ripozicionim të plotë.

Në të njëjtën kohë, von der Leyen nënvizoi objektivin që deri në vitin 2050 Evropa të reduktojë ndjeshëm emetimet e gazrave serrë dhe të rrisë përdorimin e burimeve të energjisë së pastër.