Kryetari i Komunës së Çairit, Izet Mexhiti, ka marrë pjesë së bashku me të rinjtë e Çairit në Panairi i Librit në Shkup, i cili po zhvillohet në arenën “Boris Trajkovski” në Shkup.

Ngjarja, që po mbahet nga 23 deri më 29 prill, ka mbledhur rreth 65 shtëpi botuese nga vendi dhe jashtë, duke sjellë tituj të rinj, autorë dhe aktivitete profesionale që synojnë afrimin e librit me publikun.

Mexhiti vlerësoi panairin si një hapësirë ku takohen idetë dhe energjia rinore, duke theksuar se “kënaqësi e jashtëzakonshme kur takohen ‘republika e ideve’ me zellin e aktivizimit rinor”. Sipas tij, kjo ngjarje kulturore kontribuon në pasurimin e jetës qytetare dhe hap horizonte të reja për lexuesit.

Panairi i Librit në Shkup konsiderohet një nga aktivitetet më të rëndësishme kulturore në qytet, duke ofruar mundësi për promovimin e librit dhe ideve bashkëkohore.