Ministria e Punëve të Brendshme u ka bërë thirrje qytetarëve që të denoncojnë menjëherë rastet kur zbulojnë manipulime me kilometrat e veturave të përdorura.

Sipas autoriteteve, çdo vit regjistrohen qindra raste mashtrimi në këtë fushë, ndërsa vetëm në tre muajt e parë të këtij viti janë evidentuar dhjetëra kallëzime nga qytetarët. Nga MPB theksojnë se praktika e kthimit të kilometrave përdoret nga tregtarë individualë, por edhe nga kompani që importojnë automjete nga jashtë, me qëllim rritjen artificiale të çmimit të shitjes.

Institucionet apelojnë për kujdes të shtuar gjatë blerjes së veturave dhe bashkëpunim me organet e rendit për të parandaluar këtë fenomen.