Zëvendëskryeministri Izet Mexhiti ka përkujtuar 2 Majin si një nga datat më domethënëse historike, duke e cilësuar si ditën kur Karadaku u shpall Zonë e Lirë dhe u vulos një kapitull i rëndësishëm i përpjekjeve për liri.

Në një reagim publik, Mexhiti theksoi se kjo ditë përfaqëson qëndresën dhe vendosmërinë e njerëzve përballë sfidave të kohës, duke nënvizuar se sakrifica e tyre krijoi një realitet të ri për vendin.

“2 Maji mbetet një nga momentet më domethënëse të historisë sonë, dita kur Karadaku u shpall Zonë e Lirë, si simbol i qëndresës dhe vendosmërisë për liri”, ka deklaruar ai, duke shtuar se periudha në fjalë ishte e mbushur me sfida, por edhe me guxim të jashtëzakonshëm.

Mexhiti ka theksuar se përmes përkushtimit të atyre që kontribuuan në atë kohë, u hap një kapitull i ri shprese dhe dinjiteti, ndërsa sot kjo datë kujtohet me respekt dhe mirënjohje për trashëgiminë e lirisë.

“E kujtojmë këtë ditë me respekt dhe mirënjohje për të gjithë ata që kontribuuan në atë rrugëtim”, ka theksuar Mexhiti.