Në Ditën e Dëshmorëve, Izet Mexhiti ka kujtuar me një mesazh publik sakrificën e të rënëve, duke theksuar rëndësinë e ruajtjes së idealit dhe përgjegjësisë kolektive për të ardhmen.

Në postimin e tij, ai shkruan se, “5 Maji është dita e kujtesës. Dita kur emrat e dëshmorëve ngrihen mbi kohën dhe bëhen pjesë e përjetësisë së këtij vendi. Sot i kujtojmë me respekt e mirënjohje të thellë. Sakrifica e tyre nuk tretet në harresë, ajo qëndron e gdhendur në historinë tonë, si një dritë që nuk shuhet. Ata lanë pas një amanet të rëndë e të qartë, të ecim përpara, të punojmë çdo ditë dhe të mbajmë gjallë idealin për të cilin ranë. Kjo përgjegjësi është mbi ne. Dhe ne do ta vazhdojmë rrugën e tyre, me përkushtim, me këmbëngulje, për të ardhmen tonë”.

Mesazhi i tij vjen në kuadër të përkujtimit të 5 Majit, duke nënvizuar se kujtesa për dëshmorët mbetet një detyrim moral dhe kombëtar.