Kryeministri në detyrë i Kosovës, Albin Kurti, ka marrë pjesë sot në kongresin e VLEN në Maqedoninë e Veriut, ku është parë përkrah kryeministrit maqedonas, Hristijan Mickoski.

Prania e Kurtit në këtë aktivitet ka nxitur reagime politike, ndërsa këshilltarja e ish-presidentes së Kosovës, Meliza Haradinaj, ka kritikuar qëndrimin e tij ndaj zhvillimeve politike në Maqedoninë e Veriut.

Ajo ka deklaruar se shqiptarët në Maqedoninë e Veriut nuk duhet të kujtohen vetëm gjatë fushatave politike, duke shtuar se “nuk mund të shtirësh patriotizëm në Prishtinë, ndërsa në Shkup të qëndrosh pranë atyre që i godasin shqiptarët”.

Reagimi i Haradinajt vjen në një periudhë tensionesh politike dhe debatesh për pozitën e shqiptarëve në Maqedoninë e Veriut, ndërsa pjesëmarrja e Kurtit në kongresin e VLEN ka marrë vëmendje të madhe në opinionin publik.