Prokuroria për Ndjekjen e Krimit të Organizuar dhe Korrupsionit ka lëshuar urdhër për procedurë hetimore ndaj dy personave të dyshuar për pranim të shpërblimit për ndikim të kundërligjshëm në sistemin gjyqësor. Të dyshuarit, njëri në cilësinë e kryetarit të gjykatës dhe tjetri si administrator gjyqësor, dyshohet se në periudhën nga janari i vitit 2023 deri në vitin 2025, "së bashku dhe me paramendim, duke shfrytëzuar pozitën e tyre zyrtare, kanë kërkuar dhe pranuar shpërblim në para në shumë prej 8.000 eurosh."

Qëllimi i dyshuar i këtij veprimi ishte ndërhyrja te një gjyqtar i Gjykatës Themelore të Gostivarit, si dhe te Gjykata e Apelit në Gostivar, duke cenuar rëndë parimin e pavarësisë së drejtësisë dhe sundimin e ligjit.