Kandidati për deputet nga Aleanca për Ardhmërinë e Kosovës, Ramush Haradinaj, ka shprehur ngushëllimet e tij për ndarjen nga jeta të Rexhep Metës, babait të ish-Presidentit të Shqipërisë, Ilir Meta.

Përmes një reagimi publik në rrjetet sociale, Haradinaj tha se lajmin e ka pranuar me pikëllim, duke shprehur solidaritet me familjen Meta në këto momente të vështira.

“Me pikëllim mora lajmin për ndarjen nga jeta të Rexhep Metës, babait të ish-Presidentit të Republikës së Shqipërisë, z. Ilir Meta. Bashkëndjejmë me Presidentin Meta, familjen e ngushtë dhe të gjithë të afërmit për këtë humbje”, ka shkruar Haradinaj.

Ai ka përcjellë edhe një mesazh ngushëllimi për familjen, duke theksuar se “Zoti ua lehtësoftë dhimbjen, ndërsa i ndjeri u prehtë në paqe”.

Ngushëllimet për familjen Meta kanë ardhur nga personalitete të shumta të jetës politike dhe publike shqiptare pas lajmit për ndarjen nga jeta të Rexhep Metës.