Komisioni Qendror i Zgjedhjeve ka përpunuar rezultatet nga 1,260 vendvotime, që përfaqësojnë 50.44 për qind të vendvotimeve në nivel vendi, nga gjithsej 2,498 sa janë në total. Sipas të dhënave të deritanishme, kryeministri në detyrë dhe lider i Lëvizjes Vetëvendosje, Albin Kurti, prin bindshëm me 117,868 vota, duke u renditur si kandidati më i votuar. Pas tij renditet Glauk Konjufca me 92,616 vota, ndërsa Albulena Haxhiu zë vendin e tretë me 53,590 vota. Në pozitat vijuese ndodhen Hekuran Murati me 46,899 vota dhe Donika Gërvalla-Schwarz me 43,304 vota, ndjekur nga Xhelal Sveçla me 35,154 vota. Rezultatet tregojnë se numërimi është ende në proces, pasi janë përpunuar vetëm gjysma e vendvotimeve në vend.

/Klankosova.tv