Një incident është regjistruar mesditën e sotme para Ambasadës së Bullgarisë në Shkup, ku është hedhur një koktej molotovi në afërsi të objektit diplomatik. Sipas raportimit të Alsat, nga zjarri janë përfshirë dy vetura në pronësi të Ambasadës. Në vendngjarje kanë ndërhyrë ekipet e zjarrfikësve për lokalizimin e flakëve, ndërsa zona është siguruar edhe nga forca të policisë. Burime për Alsat bëjnë të ditur se incidenti dyshohet të jetë shkaktuar nga një kalimtar, i cili fillimisht ka lyer automjetet me lëndë të djegshme dhe më pas ka hedhur shishen me molotov. Rrethanat e plota të ngjarjes mbeten nën hetim. Burimi: Alsat.mk