Shtetet e Bashkuara dhe Irani kanë arritur një marrëveshje që synon t'i japë fund konfliktit të muajve të fundit në Lindjen e Mesme, duke hapur rrugën për rifillimin e dialogut diplomatik dhe uljen e tensioneve në tregjet ndërkombëtare. Dokumenti me 14 pika zgjat armëpushimin, rihap Ngushticën e Hormuzit për trafikun detar dhe heq bllokadën ndaj porteve iraniane.

Sipas BBC, rihapja e Ngushticës së Hormuzit, nga ku kalon rreth një e pesta e furnizimit global me naftë dhe gaz natyror, pritet të stabilizojë tregjet dhe të shmangë rritjen e mëtejshme të çmimeve të energjisë dhe produkteve bazë.

Megjithatë, marrëveshja nuk përbën ende një traktat paqeje. Çështje kyçe, si programi bërthamor iranian, niveli i pasurimit të uraniumit dhe lehtësimi i sanksioneve ndaj Teheranit, do të jenë pjesë e negociatave të ardhshme.

Analistët vlerësojnë se zhvillimet e fundit kanë treguar kufijtë e zgjidhjeve ushtarake dhe se bisedimet e muajve në vijim do të përcaktojnë nëse kjo marrëveshje do të shndërrohet në një paqe afatgjatë apo do të mbetet vetëm një armëpushim i përkohshëm.

Burimi: BBC