Kryetari i LSDM-së, Venko Filipçe, në një takim me fermerët në Bosilovë, deklaroi se në dy vitet e fundit Maqedonia nën VMRO-DPMNE po përshpejtohet vetëm drejt shkatërrimit. Sipas tij, është hipokrizi e madhe që VMRO-ja të flasë për përshpejtim, kur sipas tij i gjithë vendi, përfshirë bujqësinë, po shkon drejt rrënimit. Filipçe theksoi se ironia e situatës bëhet edhe më e dukshme kur sot, në Strumicë, VMRO feston ditëlindjen e saj. "Çfarë kulmi hipokrizie, sot në Strumicë, në këtë rajon, VMRO, një grup i krimit të organizuar, po feston ditëlindjen. Shoh se po mburren me një lloj sllogani, "Maqedonia po përshpejton", mund t'i uroj ditëlindjen duke thënë se Maqedonia po përshpejton me ta vetëm drejt shkatërrimit," tha Filipçe. Lideri i Socialdemokratëve nuk kurseu kritikat ndaj partisë në pushtet, duke e cilësuar atë si bartëse të një politike që po e çon vendin drejt rrënimit në vend që drejt zhvillimit. /Alsat.mk