Deputetja e PS-së, Elisa Spiropali, ka reaguar përmes një postimi në Facebook, ku është ndalur te vizioni për "Marrëveshjen e Re", duke theksuar se Shqipëria duhet të ndërtojë një të ardhme më të hapur, më të drejtë dhe më europiane.

Spiropali është shprehur se për të arritur këtë objektiv, edhe Partia Socialiste duhet të ndryshojë, duke theksuar se "Partisë Socialiste i duhet të gjejë forcat, të mbledhë mendjen, të vetëpastrohet, të bëhet më dinamike, më demokratike, më kompakte, për të mbetur gjithmonë e re, gjithmonë e pastër, pa smërçe, pa ndryshqe, pa pehlivanllëqe".

Ajo shtoi se "Ta bëjmë Marrëveshjen e Re të madhe, të thellë, të vërtetë, duke pasur parasysh se po nuk lartësuam veten, nuk mund ta përmirësojmë vendin".