Gazetari Marin Mema ka marrë pjesë në aktivitetin “Dita e Plisit” në Tropojë, duke përcjellë një mesazh për rëndësinë e ruajtjes së trashëgimisë kulturore shqiptare. Ai theksoi se aty ku ruhet rrënja dhe nderohet trashëgimia, forcohet e tashmja dhe ndërtohet e ardhmja.

Mema vlerësoi se ruajtja e veshjeve tradicionale shqiptare, nga jugu në veri të trojeve shqiptare, nuk duhet të kufizohet vetëm te plisi, qeleshja, kapuçi apo kësula, por të përfshijë çdo veshje të trashëguar ndër breza. Sipas tij, mbrojtja dhe promovimi i kësaj pasurie kulturore përbën themelin e identitetit kombëtar.