Fatmir Limani ka reaguar me kritika të forta ndaj zhvillimeve politike pas ndryshimit të pushtetit, duke vlerësuar se pritjet për një qeverisje ndryshe nuk janë përmbushur. Ai tha se qytetarët u angazhuan për ta larguar "kastën e vjetër", me shpresën për ndryshim, por sipas tij, pas fitores u ndoqën të njëjtat praktika që më parë kritikoheshin.

"Në emër të ndryshimit u mposht 'kasta' e vjetër, pastaj filloi shpërblimi i 'kokave' të shërbimit në emër të votuesit të heshtur", shkroi Limani.

Ai shtoi se "vendosëm karakteret që të luftojmë të keqen dhe pas fitores u veprua njëjtë ose më keq", ndërsa theksoi se opozita "me mjeshtëri pastroi 'çibanin' duke spërkatur qelbin në fytyrat e pushtetarit të dështuar".

Deklarata e Limanit ka nxitur reagime në opinionin publik dhe në skenën politike shqiptare në Maqedoninë e Veriut.